யா அல்லாஹ்! எனக்கு கல்வி ஞானத்தை அதிகப்படுத்துவாயாக! அல்குர்ஆன் 20-114.: 12/21/22

أَعُوْذُ بِاللَّهِ مِنَ الشَّيْطَانِ الرَّجِيْمِ + بِسْمِ اللّهِ الرَّحْمَنِ الرَّحِيمِ

🌹 اَلصَّلٰوةُ وَالسَّلَامُ عَلَيۡكَ يَاسَيِّدِۡي ياَرَسُوۡلَ الله ﷺ 🌹 🌹 اَ لصَّلٰوةُ وَالسَّلَامُ عَلَيۡكَ يَاسَيِّدِۡي ياَحَبِيۡبَ‌ الله ﷺ 🌹

♣ டிசம்பர் – 2022 – 23 – ந் தேதி ஹிஜ்ரி – 1444 –– [جمادى الأولى ] ஜுமாதல் ஊலா மாதம் – 28 – ம் தேதி நான்காம் வார ஜுமுஆ பேருரையின் குறிப்புரை வெளியீட்டு எண்: 208 [டிஜிடல் முறை – 51] ♣

Download PDF

ஆன்லைன் சூதாட்டத்தை தடை செய்யலாம

بسم الله، والحمد لله، والصلاة والسلام على رسول الله وعلى آله وصحبه ومن اهتدى بهداه. أما بعد قال الله سبحانه وتعالى في كتابه العزيز {﴿۞ يَسْأَلُونَكَ عَنِ الْخَمْرِ وَالْمَيْسِرِ ۖ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِن نَّفْعِهِمَا ۗ وَيَسْأَلُونَكَ مَاذَا يُنفِقُونَ قُلِ الْعَفْوَ ۗ كَذَٰلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ (219) ‏‏ ۞)‏} -[سورة البقرة 02 الآية 219] - صدق الله العظيم / قال رسول الله ﷺ «وَعَنْ عَبْدِ اللَّهِ بْنِ عَمْرٍو: أَنَّ النَّبِيِّ صَلَّى اللَّهُ عَلَيْهِ وَسَلَّمَ نَهَى عَنْ الْخَمْرِ وَالْمَيْسِرِ وَالْكُوبَةِ وَالْغُبَيْرَاءِ وَقَالَ: «كُلُّ مُسْكِرٍ حَرَامٌ» . رَوَاهُ أَبُو دَاوُد 3685". ‏"‏‏.‏متفق عليه. ‏"‏‏.‏ ‏»‏‏ [إلخ], الى آخره, (. رواه البخاري ) أو كما عبر الرسول صلى الله عليه وسلم

[தலைப்பின் விளக்கம் : ‘ சூதாட்டத்தால் சூறையாடும் மரணங்கள் !!! ” அதாவது நாம் தினசரி செய்தாள்களில் / செய்திகளில் சூதாட்டத்தில் பணத்தை இழந்ததால் தற்கொலை எனச் செய்தியை அனு தினமும் பார்த்து வருகிறோம். இதற்க்கு இஸ்லாம் தரும் தீர்வு என்ன ? சம்பந்தமான‌ ஜுமுஆ குறிப்புரை].

【♣ துவக்கவுரை: المقد مة INTRODUCTION:- ♣】

✍🏻 அன்புள்ளவர்களே! அல்லாஹ்வின் ﷻ பேரருளால் [جمادى الأولى ] ஜுமாதல் ஊலா மாதத்தின் நான்காம் வார ஜுமுஆவில் அமர்ந்துள்ளோம். அல்ஹம்துலில்லாஹ்.

✍🏻 அன்புள்ளவர்களே! [2022-ம்] இவ்வாண்டில் ஆன்லைன் சூதாட்டத்தால் தமிழகத்தில் 36 -வது நபரான சேலம் மாவட்டம் வாழப்பாடியை அடுத்த உத்தண்டி வளவு கிராமத்தைச் சேர்ந்த மணிமுத்து என்ற ஓட்டுனர் ஆன்லைன் சூதாட்டத்தில் லட்சக்கணக்கில் பணத்தை இழந்ததால் [கடந்த வாரம் 11-12-2022 அன்று] தூக்கிட்டு தற்கொலை செய்து கொண்டுள்ளார். ஆன்லைன் சூதாட்டத்தடை அவசர சட்டம் காலாவதியானதற்கு பிந்தைய 12 நாட்களில் நிகழ்ந்த நான்காவது தற்கொலை இதுவாகும். ஆன்லைன் சூதாட்டம் எவ்வளவு கொடியது? என்பதற்கு அண்மைக்காலங்களில் அதிகரித்து வரும் தற்கொலைகளே சாட்சி.

ஆன்லைன் சூதாட்டம் தடை செய்யப்படவில்லை என்றால்? அதில் பணத்தை இழந்து தற்கொலை செய்து கொள்வது அன்றாட நிகழ்வுகளாக பார்க்கிறோம். ` எதிர்முனையில் யாருடன் நீங்கள் விளையாடலாம். ஆனால், நீங்கள் ஆடுவது மனிதர்களுடன் அல்ல, அனைத்தும் வடிவமைக்கப்பட்ட புரோகிராம்கள்தான்' என்கிறார் சைபர் தொழில் நுட்ப வல்லுநர் கார்த்திகேயன். என்ன நடக்கிறது ? ஆன்லைன் ஆட்டத்தில்! எல்லாம் ஏமாற்று வேலைகள்தாம்.

எளிதில் பணம் சம்பாதிக்கும் ஆசையில் ஏராளமானோர் பணம் கட்டி ஆன்லைனில் இந்த விளையாட்டை விளையாடுகின்றனர். முதலில் ஜெயிப்பது போல் தெரிந்தாலும், கடைசியில் கணக்குப் பார்த்தால் நாம் வென்றதற்கும் மேல் தோற்றிருப்போம். ஆனால் விட்டதை எப்படியாவது பிடித்து விட வேண்டும் என்கிற வெறி தலைக்கேற, கடன் வாங்கியும், வீட்டில் உள்ள நகை உள்ளிட்ட பொருட்களை அடகு வைத்தும் இந்த விளையாட்டை விளையாடி வருகிறார்கள். ஆன்லைன் சூதாட்டத்தில் பணத்தை இழந்து, அதனால் நிம்மதியை இழந்து, குடும்பத்துடன் பலர் தற்கொலை செய்து கொண்ட சோக சம்பவங்கள் தமிழகத்தில் ஏராளம்.

அதுமட்டுமல்லாது; மனிதர்களில் சிலர் சூதாடுவதற்கு பணம் கிடைக்காத போது திருடுதல், ஏமாற்றுதல், எப்படியாவது பணத்தை அடைய வீட்டிலுள்ள பொருட்களையோ, ஏன் சில நேரங்களில் தங்களின் குழந்தைகளையோ, அல்லது மனைவியையோ, கூட பந்தயப் பொருளாக வைத்து விளையாடிடும் அவல நிலையை சமூகத்தில் காலம் காலமாக பார்க்க முடிகின்றது. இது அன்று முதல் இன்று வரை நடை பெறுகின்ற சம்பவமாகும். இனிமேலாவது தவ்பா செய்து அதனை விட்டும் விலகி / நழுகி வாழுவோமாக!

ஆக இதனைப்பற்றி இஸ்லாம் என்ன சொல்கிறது? என்பதனைப் பற்றி இன்றைய ஜுமுஆவில் தெரிந்து கொள்வோம் வாருங்கள்...
பேசுகிற எனக்கும், கேட்கிற உங்களுக்கும் , கேட்ட‌தின் படி அமல் செய்யும் பாக்கியத்தை வ‌ல்ல நாயகன் ﷻ நம்மனைவருக்கும் தந்த‌ருள்புரிவானாக! ஆமீன் ✍என துஆ செய்தவனாக எனது ஜுமுஆ பேருரையை ஆரம்பம் செய்கிறேன்.

❈•••┈┈┈┈┈❀ ┈┈┈┈┈•••❈• ❀ ••❈•••┈┈┈┈┈┈┈┈┈┈•••❈

♣ அல்லாஹ் [ﷻ] திருமறையில் கூறுகின்றான்:-قال الله تعالى ♣

【ஆசிரியரின் குறிப்பு】 அன்புள்ள உஸ்தாதுகளே!! தாங்கள் ஜுமுஆ பேருரையாற்றும் போது; கீழுள்ள‌ குர்ஆன் வசனங்களை ஓதும் போது கிராஅத்தாக ஓதுங்கள்

【சூதாட்டம் ஓர் பெரும் பாவம் அதன் பக்கம் நெருங்காதே! என எச்சரிக்கும் அல்லாஹ். [ﷻ] 】

✍🏻 அன்புள்ளவர்களே! ‘அல்லாஹு ரப்புல் ஆலமீன் கீழ்கண்ட வசனங்களில் சூதாட்டதின் பலனைவிடப் பாவம் பெரிது” என்றும், சூதாட்டத்தின் மூலம் ஷைத்தான் விரும்புவதெல்லாம், உங்களிடையே பகைமையையும், வெறுப்பையும் உண்டு பண்ணி அல்லாஹ்வின் நினைவிலிருந்தும், தொழுகையிலிருந்தும் உங்களைத் தடுத்து விடத்தான் என்றும், சூதாட்டம், ஷைத்தானின் அருவருக்கத்தக்க செயல்களிலுள்ளவையாகும்; ஆகவே நீங்கள் இவற்றைத் தவிர்த்துக் கொள்ளுங்கள் - அதனால் நீங்கள் வெற்றியடைவீர்கள் என்றும் தெளிவாக கூறியுள்ளான். சிந்தித்து செயல்படுவோமா ?

۞ يَسْأَلُونَكَ عَنِ الْخَمْرِ وَالْمَيْسِرِ ۖ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِن نَّفْعِهِمَا ۗ وَيَسْأَلُونَكَ مَاذَا يُنفِقُونَ قُلِ الْعَفْوَ ۗ كَذَٰلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ (219)‏

(நபியே!) மதுபானத்தையும், சூதாட்டத்தையும் பற்றி அவர்கள் உம்மிடம் கேட்கின்றனர்; நீர் கூறும்: “அவ்விரண்டிலும் பெரும் பாவம் இருக்கிறது; மனிதர்களுக்கு (அவற்றில் சில) பலன்களுமுண்டு; ஆனால் அவ்விரண்டிலும் உள்ள பாவம் அவ்விரண்டிலும் உள்ள பலனைவிடப் பெரிது” . அல்குர்ஆன்: 2:219

اِنَّمَا يُرِيْدُ الشَّيْطٰنُ اَنْ يُّوْقِعَ بَيْنَكُمُ الْعَدَاوَةَ وَالْبَغْضَآءَ فِى الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللّٰهِ وَعَنِ الصَّلٰوةِ‌ ۚ فَهَلْ اَنْـتُمْ مُّنْتَهُوْنَ‏

நிச்சயமாக ஷைத்தான் விரும்புவதெல்லாம், மதுபானத்தைக் கொண்டும், சூதாட்டத்தைக் கொண்டும் உங்களிடையே பகைமையையும், வெறுப்பையும் உண்டு பண்ணி அல்லாஹ்வின் நினைவிலிருந்தும், தொழுகையிலிருந்தும் உங்களைத் தடுத்து விடத்தான்; எனவே, அவற்றை விட்டும் நீங்கள் விலகிக் கொள்ள மாட்டீர்களா? அல்குர்ஆன்: 5:91.

يٰۤاَيُّهَا الَّذِيْنَ اٰمَنُوْۤا اِنَّمَا الْخَمْرُ وَالْمَيْسِرُ وَالْاَنْصَابُ وَالْاَزْلَامُ رِجْسٌ مِّنْ عَمَلِ الشَّيْطٰنِ فَاجْتَنِبُوْهُ لَعَلَّكُمْ تُفْلِحُوْنَ‏

ஈமான் கொண்டோரே! மதுபானமும், சூதாட்டமும், கற்சிலைகளை வழிபடுதலும், அம்புகள் எறிந்து குறி கேட்பதும், ஷைத்தானின் அருவருக்கத்தக்க செயல்களிலுள்ளவையாகும்; ஆகவே நீங்கள் இவற்றைத் தவிர்த்துக் கொள்ளுங்கள் - அதனால் நீங்கள் வெற்றியடைவீர்கள். அல்குர்ஆன்: 5:90

♣ நபி ﷺ அவர்கள் கூறினார்கள்:- كما قال النبي صلى الله عليه وسلم ♣

【அல்லாஹ் உங்களுக்கு சூதாட்டத்தை தடை செய்துள்ளான்.! 】

وَعَنْ عَبْدِ اللَّهِ بْنِ عَمْرٍو: أَنَّ النَّبِيِّ صَلَّى اللَّهُ عَلَيْهِ وَسَلَّمَ نَهَى عَنْ الْخَمْرِ وَالْمَيْسِرِ وَالْكُوبَةِ وَالْغُبَيْرَاءِ وَقَالَ: «كُلُّ مُسْكِرٍ حَرَامٌ» . رَوَاهُ أَبُو دَاوُد

அல்லாஹ்வின் தூதர் (ஸல்) அவர்கள் கூறினார்கள் : அல்லாஹ் உங்களுக்கு மதுவையும், சூதாட்டத்தையும், மத்தளத்தையும் தடை செய்துள்ளான். மேலும் கூறினார்கள் : போதையூட்டக்கூடிய அனைத்தும் தடை செய்யப்பட்டதாகும். [அப்தாவூது 3685 ]

【விளையாட்டிற்கும் - சூதாட்டத்திற்கும் உள்ள வேறுபாடு [ Difference] என்ன?:-】

✍🏻 விளையாட்டு என்றால் என்ன? விளையாட்டு என்பது எத்தனை நபர் விளையாடுகிறோமோ அத்தனை பேருக்கும் எந்தவித இழப்போ, ஏமாற்றமோ தராமல்; அனைவரின் உடலுக்கும், உணர்வுக்கும், மான வலிமையான‌ புத்துணர்வையும், ஆரோக்கியத்தை தருமோ அதுதான் விளையாட்டு. அப்படித்தான் நபிகளாரும் - ஸஹாபாக்களும் விளையாடி உள்ளனர் [இது தொடர்பாக ஆதாரம் போட்டால் பக்கம் நீண்டுவிடும். ஆதலால் அதனை தவிர்க்கிறேன்.- ஆசிரியர்]

Game (விளையாட்டு) என்பதற்க்கு எதிர்மாறாக இருப்பது Gambling (சூதாட்டம்) அதற்க்குத்தான் இஸ்லாம் அதனை தடைசெய்கிறது.

✍🏻 சூதாட்டம் என்றால் என்ன? ஒருவர் தம்முடைய பணம் அல்லது பொருளை பந்தயப் பொருளாக வைத்து விளையாடுவதை சூதாட்டம் என்கிறோம். அதாவது, இத்தகைய விளையாட்டுகளில் பங்குபெறுபவர்கள் அனைவரும் தங்களின் பணத்தையோ அல்லது வேறு ஏதேனும் பொருளையோ கொடுத்து, பின்னர் அதில் வெற்றி பெறுவோர் அதனை எடுத்துக் கொண்டு தோல்வியடைந்தவர்களுக்கு ஒன்றும் கிடைக்காமல் செய்வதற்கு சூதாட்டம் எனப்படுகின்றது.

✍🏻 அன்புள்ளவர்களே! சூதாட்டத்திற்கும், விளையாட்டுக்கும் நேரடியாக எந்தச் சம்பந்தமும் இல்லை. எந்த விளையாட்டையும் சூதாட்டமாகவும் ஆக்க முடியும். சூது கலக்காமலும் விளையாட முடியும்.

இப்போட்டியில் யார் வெற்றி பெறுகிறார்களோ? அவர்களுக்கு இன்ன தொகை தரப்படும் என்று போட்டியில் பங்கேற்காதவர்கள் அறிவித்தால் அது பரிசு எனப்படும். இதற்கு மார்க்கத்தில் தடை இல்லை. இவ்வாறு எந்த விளையாட்டையும் விளையாடலாம். அது சூதாட்டமாகாது.

போட்டியில் பங்கு பெறுபவர்கள் ஒவ்வொருவரும் ஒரு தொகையைச் செலுத்தி, யார் வெற்றி பெறுகிறார்களோ அவர்கள் மொத்த தொகையையும் எடுத்துக் கொள்ளலாம் என்ற அடிப்படையில் விளையாடினால் அது சூதாட்டமாகி விடும். சாதாரண கபடிப் போட்டியைக் கூட இந்த முறையில் நடத்தும் போது அது சூதாட்டமாகி விடுகின்றது.

செஸ் போட்டியானாலும், மல்யுத்தமானாலும் வேறு எந்த விளையாட்டானாலும் இந்த அடிப்படையில் நடத்தும் போது அது சூதாட்டமாகும்.

அது போல் ; அந்த விளையாட்டில் சம்பந்தப்படாத மூன்றாம் நபர் வெற்றி பெறுபவர்களுக்கு வழங்குவது பரிசு எனப்படும். அதில் சம்மந்தப்பட்டவர்களே பணம் போட்டு வென்றவர்கள் எடுத்துக் கொள்வது சூதாட்டமாகும்.

செஸ் விளையாட்டு சூதாட்டம் அல்ல. ஆனால் அதைச் சூதாட்டமாகவும் ஆட முடியும்.

பயனற்ற முறையில் நேரம் பாழாவதால் அதைக் கூடாது என்றுதான் சிலர் கருத்து தெரிவித்துள்ளனர். சூது எனும் காரணத்தை அவர்களும் கூறவில்லை.

அதே நேரத்தில் இதில் மூழ்கி இறை நினைவை மறக்காமல், தொழுகையை மறந்து விடாமல் இருப்பவர்கள் மட்டுமே இது போன்ற விளையாட்டுக்களில் ஈடுபடலாம் என்பதையும் நினைவில் வைக்க வேண்டும்.

【சூதாட்டங்களில் - நோக்கமும் - தாக்கமும் - வீக்கமும்:-】

【சூதாட்டங்களில் - நோக்கம் ]

✍🏻 அன்புள்ளவர்களே! சூதாட்டங்களில் விளையாட முனைவோரின் நோக்கம்: குறுகிய காலத்தில், உடல் உழைப்பின்றி பணத்தை அடைவதேயாகும். இது போன்ற விளையாட்டுகளில் ஈடுபடுவோருக்கு இவைகள் ஒருவித போதையைத் தந்து அதிலிலேயே அவர்களை தொடர்ந்து உழலச்செய்கின்றது! அதனால் தான் இது போன்ற விளையாட்டுகளில் ஈடுபட்டவர்கள் அதில் சிக்கி அதிலிருந்து மீளமுடியாமல் தங்களின் பொருளாதாரத்தை இழப்பதோடு மட்டுமல்லாமல் தாங்கள் கடுமையாக உழைத்து ஆசை, ஆசையாகச் சேர்த்த வீடு மற்றும் இன்னபிற சொத்து சுகங்களையும் இழந்து, பெரும் கடனளாகியாகி அதன் நெருக்கடிக்குள்ளாகி இறுதியில் தற்கொலை செய்துகொள்ளும் நிலைக்குத் தள்ளப்படுகின்றனர். சாமானியவர்கள் முதல் படித்தவர்கள் வரை இந்த விளையாட்டுக்கு ஏராளமானோர் அடிமையாகியுள்ளனர்.

【சூதாட்டங்களில் - தாக்கம்]

✍🏻 அன்புள்ளவர்களே! சிறுவர், சிறுமிகளிடம் புகுத்தப்படும் சூதாட்டங்கள்!

இந்த சூதாட்டங்கள் பெரியவர்களை மட்டுமின்றி நமது சிறுவர், சிறுமியர்களையும் கூட விட்டுவைக்கவில்லை! பெரிய.. பெரிய.. மால்களிலும், திருவிழாக்களில் போடப்படும் கடைகளிலும், விளையாட்டுகள் என்ற போர்வையில் பலவிதமான சூதாட்டங்கள் நமது சிறார்களிடம் புகுத்தப்படுகின்றன!.

பணம் கட்டி பொம்மையை எடுக்கும் விளையாட்டு, வளையங்களை பொருட்களின் மீது வீசச் செய்யும் விளையாட்டு, பொருட்கள் வரையப்பட்ட லக்கி வீலை சுற்றிவிடும் விளையாட்டு போன்ற பல குழந்தைகள் விளையாடும் கேம்ஸ்களைப் பற்றிக் கூறலாம்!

இவைகள் அனைத்திலும் குழந்தைகளுக்கு அங்கு வைக்கப்பட்டிருக்கும் பொம்மைகள் மற்றும் இன்னபிற பொருட்களின் மீது ஆசைக் காட்டி பணம் கட்டி விளையாட வைத்து தோல்வியடைந்தவர்களுக்கு ஒன்றும் கிடைக்காமல் ஏமாற்றப்படுகின்றனர். இதுவும் ஒரு வகை சூதாட்டம் என்கிறார்கள் மார்க்க அறிஞர்கள்.

【சூதாட்டங்களில் - வீக்கம்]

✍🏻 அன்புள்ளவர்களே! சமீப காலத்தில் ஆன்லைன் சூதாட்டத்தால் தற்கொலைகள், கொலைகள், கொள்ளைகள் போன்ற சம்பவங்கள் நம்மைச் சுற்றிப் பெருமளவு நடக்கின்றன. குழந்தைகளிலிருந்து - பெரியவர்கள் வரை எல்லோரும் இதனால் பாதிக்கப்படுகிறார்கள். ஆனாலும், இந்த ஆன்லைன் சூதாட்டங்கள் எந்தக் கட்டுப்பாடுகளும் இன்றி, தொடர்ந்து விளம்பரப்படுத்தப்பட்டுதான் வருகின்றன.

இந்தியாவில் கிட்டத்தட்ட 130- க்கும் மேற்பட்ட ஆன்லைன் விளையாட்டு செயலிகள் செயல்பாட்டில் உள்ளன. இந்த செயலிகளை சர்வதேச கார்ப்பரேட் கம்பெனிகள் நடத்துகின்றன. இந்த செயலிகள் மூலம் பல்லாயிரம் கோடி ரூபாய் கார்ப்பரேட் நிறுவனங்களுக்கு வருமானம் கிடைக்கிறது. இந்நிலையில் ஆன்லைன் சூதாட்டத்தால் தற்கொலை செய்து கொள்பவர்களின் எண்ணிக்கை நீண்டு கொண்டே சென்றதால் தமிழக அரசு கடந்த 2020ஆம் ஆண்டு நம்பர் மாதம் ஆன்லைன் சூதாட்டத்தை தடை செய்து அவசரச் சட்டம் கொண்டு வந்தது ,

【 சூதாட்டமே ஹராம் அதன் வருமானம் ஹலால் ஆகுமா?:- 】

✍🏻 அன்புள்ளவர்களே! நான் சூதாட்டத்தில் கைதேர்ந்த வல்லுவன் / திறமைசாளி என்று நினைப்பவர்களா ? நீங்கள் உங்கள் பணம் பல கோடி ரூபாயாக‌ இருந்தாலும் அல்லாஹ்வின் பார்வையில் சாதாரண ஓர் ஏழை செய்யும் 1 ரூபாய் தர்மத்திற்க்கு ஈடாகாது.

وَ قَالَ صَلَّى اللَّهُ عَلَيْهِ وَ آلِهِ: اَلْعِبَادَةُ عَشَرَةُ أَجْزَاءٍ تِسْعَةُ أَجْزَاءٍ فِي طَلَبِ اَلْحَلاَلِ .

நபி (ஸல்) அவர்கள் கூறினார்கள். வணக்கம் பத்து பாகம் என்றால் அதில் ஒன்பது பாகம் ஹலாலான வழியில் பொருளீட்டுவதாக இருக்கும்.

وقال صلى الله عليه وسلم: "عَنِ ابْنِ عُمَرَ قَالَ : " مَنِ اشْتَرَى ثَوْبًا بِعَشَرَةِ دَرَاهِمَ وَفِي ثَمَنِهِ دِرْهَمٌ حَرَامٌ ، لَمْ يَقْبَلِ اللَّهُ لَهُ صَلَاةً مَا كَانَ عَلَيْهِ " "

நபி (ஸல்) அவர்கள் கூறினார்கள். பத்து திர்ஹத்துக்கு வாங்கிய ஆடை. அதில் ஒரு திர்ஹம் ஹராமாக இருந்தாலும் அது இருக்கும் வரை தொழுகை ஏற்றுக்கொள்ளப்படாது.

عَنْ عَبْدِ اللَّهِ بْنِ مَسْعُودٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «طَلَبُ كَسْبِ الْحَلَالِ فَرِيضَةٌ بَعْدَ الْفَرِيضَةِ» . رَوَاهُ الْبَيْهَقِيُّ فِي شعب الْإِيمَان

عَنْ سُلَيْمَانَ بْنِ بُرَيْدَةَ، عَنْ أَبِيهِ، أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ: «مَنْ لَعِبَ بِالنَّرْدَشِيرِ، فَكَأَنَّمَا صَبَغَ يَدَهُ فِي لَحْمِ خِنْزِيرٍ وَدَمِهِ»

நபி (ஸல்) அவர்கள் கூறினார்கள்: பகடைக்காய் ஆட்டம் (நர்தஷீர்) விளையாடியவர் தமது கையைப் பன்றி இறைச்சியிலும் இரத்தத்திலும் தேய்த்தவரைப் போன்றவர் ஆவார். . [இப்னுமாஜா 3763]

عَنْ أَبِي مُوسَى الْأَشْعَرِيِّ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ، قَالَ: «مَنْ لَعِبَ بِالنَّرْدِ فَقَدْ عَصَى اللَّهَ وَرَسُولَهُ»

சதுரங்கம் விளையாடுபவன் அல்லாஹ்வுக்கும், அவனது தூதருக்கும் மாறு செய்தவனாவான். (அபூதாவூத்: 4938)

【பதற வைக்கும் பப்ஜி:- !】

✍🏻 அன்புள்ளவர்களே! பப்ஜி விளையாட்டு என்பது பிஞ்சுகளின் உள்ளங்களின் நஞ்சை விதைக்க கூடியதாகவும், கொலை வெறியை தூண்டுதவதாகவும் இருந்து வருகின்றது. பப்ஜி விளையாட்டு நாளடைவில் மனிதர்களை கொன்று குவிக்கின்ற உயிர்க்கொல்லி நோயாகவும், சிந்தனைகளை சிதைத்து தடுமாற வைக்கின்ற மனநோயாகவும் மாறி வலம் வருகின்றது என்பதை நிகழ்கால சம்பவங்கள் உண்மைப்படுத்துகின்றது.

பப்ஜி விளையாட்டு ஏற்படுத்திய ஆயிரக்கணக்கான பாதிப்புகள், கேடுகள், சீரழிவுகள் கணக்கிட முடியாத அளவுக்கு நீண்டு கொண்டே செல்கின்றது. பப்ஜி ஒரு மனநோய் என்பதை வெளிப்படுத்தும் ஒரு சில நிகழ்வுகள்;

பப்ஜி நோயினால் மனநலம் பாதிக்கப்பட்டு தூக்கமின்மையினால் அதிகமாக மாத்திரைகளை பயன்படுத்துவதாகவும், தூங்க செல்கின்ற நேரத்தில், தூக்கத்தை கெடுக்கும் விதமாக காதுகளில் வந்து யாரோ கத்துவதாகவும் தெரிவிக்கின்றனர்.

மேலும் பப்ஜி விளையாடுபவர்களில் இரவில் தூக்கமின்மை (61%), பகலில் தூக்கக் கிறக்கம் (34%), தலைவலி, எரிச்சல் (36%), கண் கோளாறுகள் (39%), வகுப்பைப் புறக்கணித்தல் (27%), போன்ற பிரச்சினைகளால் அவதிப்படுவதாகவும், 7% பேர் தற்கொலை எண்ணங்களுடனும், 14% பேர் பிறரைத் தாக்க வேண்டும் என்ற எண்ணத்துடன் இருப்பதாகவும் தெரிவித்துள்ளனர்.

மேலும் பப்ஜி விளையாட்டால் ஏற்பட்ட விபரீதங்களாக;

 பெற்றோர்கள் திட்டியதால் பள்ளிக்கு செல்லாமல் காட்டுப் பகுதிகளுக்கு 2 இளைஞர்கள் சென்று பப்ஜி விளையாடினர்!
 தேர்வுக்கு படிக்காமல் பப்ஜி கேம் விளையாடிக் கொண்டிருந்த மகனை பெற்றோர்கள் கண்டித்ததால் தூக்கில் தொங்கி தற்கொலை செய்து கொண்டான்!
 பப்ஜி விளையாட்டை தடுத்து நிறுத்தியதால் மகன், பெற்றோர்களை கொடூரமாக கொலை செய்தான்!
 நீண்ட நேரம் பப்ஜி விளையாடிய மாணவர் கடுமையான மன அழுத்தத்தால் மாரடைப்பால் உயிரிழப்பு!
 விடிய விடிய பப்ஜி விளையாடுவதற்காக இரண்டு மாணவர்கள் வீட்டை விட்டு மாயம்!
 தொடர்ந்து ஆறு மணிநேரம் பப்ஜி கேம் விளையாடியதால் சிறுவன் உயிரிழப்பு!
 பத்தாம் வகுப்பு மாணவர் பப்ஜி விளையாடியதால் மனநலம் பாதிக்கப்பட்டார்!
 கணவர் நீண்ட நேரம் பப்ஜி விளையாடியதால் மனைவியுடன் அடிக்கடி சண்டை போட்டதால், மனைவி விவாகரத்து கொடுத்து பிரிந்து விட்டார்!
 14 வயது பப்ஜி விளையாடிக் கொண்டிருந்த சிறுவன் சக சிறுவனை கத்தியால் குத்தினான்!
 நீண்ட நேரம் பப்ஜி விளையாடிய இளைஞர் தண்ணீர் என்று நினைத்து அமிலத்தை எடுத்து குடித்து விட்டார்!

பப்ஜி விளையாட்டால் ஏற்பட்ட இதுபோன்ற ஆயிரக்கணக்கான பாதிப்புகளின் பட்டியல் நீண்டு கொண்டே செல்கின்றது.

உடலுக்கும், கண்களுக்கும் செய்ய வேண்டிய கடமைகளை செய்ய விடாமல் பப்ஜி என்ற போதை தடுத்து நிறுத்துகின்றது. நீண்ட நேரம் தூக்கத்தை இழந்து பப்ஜி விளையாடுபவர்கள் உடலில் ஏராளமான நோய்த் தொற்று ஏற்பட்டு பாதிக்கப்படுகின்றார்கள்.

மேலும், நீண்ட நேரம் மொபைல் ஃபோனின் திரையை வெறித்தனமாக பார்ப்பதினால் கண் பார்வை செயலிழந்து விடுகின்ற அவல நிலையைப் பார்க்கின்றோம்!

இதுபோன்ற விஷயங்களிலும் இஸ்லாமிய மார்க்கம் கூடுதல் கவனம் செலுத்துகின்றது. நபி (ஸல்) அவர்கள் கூறினார்கள்;

فَإِنَّ لِجَسَدِكَ عَلَيْكَ حَقًّا، وَإِنَّ لِعَيْنِكَ عَلَيْكَ حَقًّا، وَإِنَّ لِزَوْجِكَ عَلَيْكَ حَقًّا، وَإِنَّ لِزَوْرِكَ عَلَيْكَ حَقًّا،

உங்களின் உடலுக்கு செய்ய வேண்டிய கடமைகள் இருக்கின்றன. உங்களின் கண்களுக்கு செய்ய வேண்டிய கடமைகளும் இருக்கின்றன.(புகாரி 1975)

வறண்ட பாலைவனத்தில் தொலைந்து போய்விட்ட தமது ஒட்டகத்தை உறங்கியெழும்போது கண்டுபிடித்த மனிதரைவிடத் தன் அடியான் பாவமன்னிப்புக் கோரி, தன்னிடம் மீளுவதால் அல்லாஹ் அதிகம் மகிழ்ச்சி அடைகிறான். (புகாரி 5301)

【சூதாட்டத்தினால் ஏற்படும் தீமைகள்:- ! 】

மனிதனை உழைக்க விடாமல், நமக்கு ஒருநாள் பணத்தை குவிக்கும் என்ற தவறான எண்ணத்தை உருவாக்குகின்றது. [சூதாடுபவர்கள் வேலைக்குச் செல்லாமல் ஊரின் ஓரங்களில் உட்கார்ந்து விளையாடுவதை ஒவ்வொரு ஊரிலும் காண முடியும்.]
குடும்ப கட்டமைப்பை சீர்குலைக்கின்றது. [பணத்தை, பொருளைக் கொண்டு சூதாடுபவன் தன் குடும்பத்தை வறுமையில் வாட்டுகின்றான். மனைவி வேலைக்குச் செல்ல வேண்டிய நிலை, குழந்தை படிப்பை இழந்து குழந்தை தொழிலாளர்களாக பணி செய்ய வேண்டிய நிலை]
பொருளதாரத்தை தகர்க்கின்றது.
பகையை உருவாக்குகின்றது.
தொழுகை மற்றும் அல்லாஹ்வை நினைவு கூறுவதை விட்டும் தடுக்கின்றது.

إِنَّما يُرِيدُ الشَّيْطانُ أَنْ يُوقِعَ بَيْنَكُمُ الْعَداوَةَ وَالْبَغْضاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلاةِ فَهَلْ أَنْتُمْ مُنْتَهُونَ

5:91. நிச்சயமாக ஷைத்தான் விரும்புவதெல்லாம் மதுபானத்தைக் கொண்டும் சூதாட்டத்தைக் கொண்டும் உங்களிடையே பகைமையையும் வெறுப்பையும் உண்டு பண்ணி அல்லாஹ்வின் நினைவிலிருந்தும் தொழுகையிலிருந்தும் உங்களைத் தடுத்து விடத்தான்; எனவே அவற்றை விட்டும் நீங்கள் விலகிக் கொள்ள மாட்டீர்களா?

6. மனிதனை குற்றவாளியாக்குகின்றது
7. உடல் ஆரோக்கியத்தை கெடுக்கின்றது
8. தீய பழக்கங்களுக்கு தூண்டுகிறது.
9. ஒரு நாட்டுக்கு மிகப் பெரும் பொருளாதார இழப்பை ஏற்படுத்துகின்றது. எனவேதான் இந்தியா கூட சூதாட்டத்தை சட்டப்பூர்வமானதாக ஆக்கிவிடலாமா? அப்படி ஆக்கினால் சூதாட்டத்தில் சம்பாதித்து பதுக்கப்படும் கருப்பு பணத்தை வெளிக்கொணரலாம் என்று ஆலோசிப்பதாக சில தினங்களுக்கு முன் பத்திரிக்கைச் செய்தியில் ஒரு செய்தி வந்திருந்தது. எனினும் பின்னர் அந்த செய்தியை அரசு மறுத்து அறிக்கை விட்டுள்ளது.

【 சூதாடத்தின் பரிகாரம்:-】

أَنَّ أَبَا هُرَيْرَةَ، قَالَ قَالَ رَسُولُ اللَّهِ صلى الله عليه وسلم "" مَنْ حَلَفَ مِنْكُمْ فَقَالَ فِي حَلِفِهِ بِاللاَّتِ وَالْعُزَّى. فَلْيَقُلْ لاَ إِلَهَ إِلاَّ اللَّهُ. وَمَنْ قَالَ لِصَاحِبِهِ تَعَالَ أُقَامِرْكَ. فَلْيَتَصَدَّقْ "".

உங்களில் யார் சத்தியம் செய்யும்போது (அறியாமைக்கால தெய்வச் சிலைகளான) ‘லாத்’தின் மீதும் ‘உஸ்ஸா’ வின் மீதும் சத்தியமாக என்று கூறிவிட் டாரோ அவர் (அதற்குப் பரிகாரமாக) ‘லா இலாஹ இல்லல்லாஹ்’ (அல்லாஹ்வைத் தவிர வேறு இறைவனில்லை) என்று சொல்லட்டும். யார் தம் நண்பரிடம் "வா, சூதாடலாம்" என்று கூறிவிட்டாரோ அவர் (அதற்குப் பரிகாரமாக) தர்மம் செய்யட்டும். [புஹாரி 6301.ஸஹீஹ் முஸ்லிம் 3384.]

【சபதம் எடுங்கள்…】

✍🏻 அன்புள்ளவர்களே! இன்ஷா அல்லாஹ் இன்றிலிருந்து. எனது மவ்த் வரைக்கும் இந்த சூதாட்டத்தின் பக்கம் கொஞ்சம் கூட நெருங்கிட மாட்டேன் என்று.. .. எல்லாம் வல்ல அல்லாஹ் ﷻ அவனது பேரருளை ஈருலகிலும் நிரப்பமாக‌ தந்தருள்வானாக!!! ஆமின் என துஆ செய்தவனாக எனது ஜுமுஆ குறிப்புரையை நிறைவு செய்கிறேன். (وَآخِرُ دَعْواهُمْ أَنِ الْحَمْدُ لِلَّهِ رَبِّ الْعالَمِينَ) ****** صلى الله وسلم على محمد وعلى آله وصحبه أجمعين والحمد لله رب العالمين ******* வாஆகிறு தஃவானா அனில்ஹம்துலில்லாஹி ரப்பில் ஆலமீன்.

✍🏻✍🏻நன்றியுரை:- تقبل الله منا ومنكم صالح الأعمال نسأل الله أن ييسر لنا أمورنا ويشرح صدورنا

“‏ بَلِّغُوا عَنِّي وَلَوْ آيَةً، என்னிடமிருந்து ஒரேயொரு (சிறு) செய்தி கிடைத்தாலும் சரி, அதை(ப் பிறருக்கு) எடுத்துரையுங்கள். [புகாரி 3461.]

இக்குறிப்புரையின் தலைமையாசிரியர் & இக்குழு கண்காணிப்பாளர்:-

எஸ்.எம்.ஹெளஸீ மவ்லானா. உங்களின் துஆக்களை பெற பேராசைப்படும்:-

உஸ்தாதுனா எஸ்.எம்.ஹெளஸீ மவ்லானா. வாசுதேவநல்லூரி. செல் +919487007358 & ٩٩٤٢٤٠٧٣٥٨ . நான் விவசாயி..

மெளலானா ஹாபிழ் களந்தை.B. அபு அஜ்மல் புகாரி யூசுபி உதவியாசிரியர்:-

உஸ்தாதுனா மெளலானா ஹாபிழ் களந்தை B. அபு அஜ்மல் புகாரி யூசுபி. செல் +918754089943.

இக்கட்டுரை வெளி வர மஷ்வரா [அலோசனை] தந்த அனைவருக்கும், நம் இணையத்தில் வந்து பயனும் பலனும் அடைந்த அனைவருக்கும் ஜஸாகல்லாஹூ கைரன்.

✍🏻✍🏻 எனக்கு இந்த ஜுமுஆ பயான் குறிப்புரை எழுத ஊக்கமும், உறுதுணையும், ஒத்துழைப்பும் தந்த ஜுமுஆ முபாரக் தகவல் மேடை உஸ்தாதுக‌ளுக்கும் & திருநெல்வேலி மாவட்டம், அம்பாசமுத்திரம் வட்டார ஜமாத்துல் உலமா சபை உலமா நண்பர்களுக்கும். ஜஸாகல்லாஹ். வஸ்ஸலாம். ✍🏻✍🏻

நமது ஜுமுஆ பயான் தகவலை பெற தங்களின் WATTS APP நம்பரிலிருந்து j-bayan என டைப்செய்து. 9942407358 என்ற WATTS APP என்னுக்குஒரு message அனுப்புங்கள்.

ஜுமுஆ பேருரையின் பயன்பாற்றிற்காக மட்டுமே குறிப்புரையாக தரப்படுகின்றன, இவற்றை அனுமதி இல்லாமல் மறு பிரசுரம் செய்யலாகாது. அல்லாஹ்வுக்கே எல்லா புகழும் உரித்தானது.